Presidenti ukrainas, Volodymyr Zelensky, tha të dielën e 20 marsit se është i gatshëm të negociojë me presidentin rus, Vladimir Putin.
Por ai paralajmëroi se nëse ndonjë përpjekje për negociata dështon, kjo mund të nënkuptojë se lufta midis dy vendeve do të çojë në “një Luftë të Tretë Botërore”.
“Jam gati për negociata me të. Isha gati për dy vitet e fundit. Dhe unë mendoj se pa negociata, ne nuk mund t’i japim fund kësaj lufte”, tha Zelensky në një intervistë ekspulsive për CNN.
Ai shtoi se, forcat ruse kanë ardhur për t’i shfarosur, për t’i na vrarë.
Zelenksky theksoi se ka “kompromise” që Ukraina nuk mund t’i bëjë në negociatat me Putin-in.
Ai u pyet nga CNN në lidhje me kërkesat ruse – duke përfshirë që ata pranojnë se Krimea është pjesë e Rusisë, dy republikat në Donbass janë republika të pavarura dhe garantojnë se Ukraina nuk do të jetë kurrë anëtare e NATO-s.
Presidenti ukrainas tha se, ka kompromise për të cilat “ne nuk mund të jemi gati si shtet i pavarur”.
Sipas tij, nëse vendi do të ishte pranuar në aleancën e Organizatës së Traktatit të Atlantikut të Veriut më herët, atëherë Rusia nuk do ta kishte pushtuar vendin.
“Po të ishim anëtar i NATO-s, nuk do të kishte filluar një luftë. Do të doja të merrja garanci sigurie për vendin tim, për popullin tim”, tha ai, duke shtuar se ishte mirënjohës për ndihmën që NATO-ja ka dhënë që nga fillimi i pushtimit.
