“Në Ukrainë nuk kemi filluar ende të bëhemi seriozë”. Përballë drejtuesve parlamentarë të Asamblesë Federale, Vladimir Putin nis një sulm të ri verbal, duke sfiduar Perëndimin: “A duan të na mposhtin në betejë? Le të provojnë”.
“Cari” akuzon vendet që mbështesin Kievin për luftën dhe dobëson shpresat për paqe: “Sa më shumë të vazhdojnë përplasjet, aq më e vështirë do të jetë fillimi i negociatave”.
Ndërkohë luftimet vazhdojnë. Në frontin jugor, raketat ruse bombarduan dy kapanone gruri gjatë natës ku ishin ruajtur 35 tonë drithëra.
Një dëm i madh edhe pse, sipas raporteve nga zëdhënësi i kreut të administratës ushtarake rajonale të Odesës, Sergiy Bratchuk, nuk kishte viktima.
Gjithashtu jashtë Detit të Zi, u godit edhe cisterna e naftës “Millennial Spirit” që mbante flamurin moldav, e cila përfundoi në det.
Mjeti ishte kryesisht bosh, por brenda ka mbetje të naftës. Për më tepër, rusët dëmtuan kuvertën e ankorimit të Ishullit të Gjarpërinjve.
Një sulm që nuk i pengoi forcat e Kievit të ngrinin flamurin ukrainas në ishull, i rimarrë ditët e fundit, me mesazhin: “Mos harro luftanija ruse, Ishulli i Gjarpërinjve është ukrainas”.
Në lindje, ushtria po përpiqet të eliminojë xhepat e fundit të rezistencës në Luhansk dhe të shkojë më thellë në Donjeck, duke ndjekur forcat ukrainase të dislokuara rreth qytetit të Slovianskut.
Dhe përballë avancimit rus, evakuimi i civilëve vazhdon: Sloviansku, i cili para luftës kishte 110,000 banorë, prej disa ditësh është shënjestër e bombardimeve masive ruse.
“Evakuimi është duke u zhvilluar”, tha kryetari i bashkisë, Vadim Liakh, “dhe për momentin kanë mbetur 23,000 njerëz në Sloviansk”.
Pasi pushtoi Lysychansk të dielën, një javë pas tërheqjes së ushtrisë ukrainase nga fqinji Severodonjeck, ushtria ruse pretendon se pothuajse e gjithë provinca e Luhansk është nën kontrollin e saj, diçka që ukrainasit vazhdojnë ta mohojnë. “Ka ende luftime në dy fshatra,” siguroi guvernatori, Sergiy Gaidai.
Rusët tani po përpiqen të pushtojnë provincën e dytë të Donbasit, Donjeckun, për të pushtuar të gjithë pellgun e minierave që separatistët pro-rusë kontrollonin pjesërisht që nga viti 2014.
Por për këtë ata duhet të marrin Sloviansk dhe Kramatorsk, dy qytetet më të mëdha në rajon. ende në duart e ukrainasve.
