Në të gjithë krijimet e Harry Potter, Lord Voldemort zgjedh Shqipërinë si vendi perfekt për t’u fshehur, ndonëse pyetja “pse” nuk ka marrë kurrë përgjigje. Në krijimin e “Harry Potter dhe Guri i Magjistarit”, Voldemorti iku në Shqipëri në një gjendje të keqe pas përballjes me Potter dhe më pas e ka rivizituar shumë herë shtetin europian.
Ndërsa për disa kjo mund të duket si një mjedis krejtësisht i zgjedhur rastësisht për qëndrimin e Zotit të Errësirës, pyjet e largëta të Shqipërisë kanë një kuptim dhe rëndësi të veçantë në Botën e Magjistarëve.
Përveç se ishte një vend shumë larg, ku mund të fshihej lehtësisht Voldemorti i plagosur, historia është pak më e thellë. Pasi ai vrau Lily-n dhe James Potter në vitin 1981, por dështoi të vriste Harry-n e vogël, Voldemort u dobësua pasi dështoi të krijonte Horcrux-in e tij të shtatë (objekti ku magjistarët linin një pjesë të shpirtit të tyre) dhe kthimi i mallkimeve të Harry-t tek ai. Ai zgjodhi të fluturonte për në Shqipëri që të rikuperohej dhe të qëndronte atje për një dekadë, pasi profesor Quirrell ta gjente. Por kjo nuk ishte hera e parë që Voldemort vizitoi Shqipërinë, dhe nuk do të ishte e fundit.
Fiksimi i Voldemort me Shqipërinë nis me një nga themelueset e Shkollës së Magjisë, Hogwarts, Rowena Ravenclaw, si dhe lidhet drejtpërdrejt me fuqizimin e tij si Zoti i Errësirës. Pavarësisht nga rëndësia e vendit në të gjithë veprën e Harry Potter, pyetja mbetet se pse Voldemort zgjodhi këtë vendndodhje të veçantë për tu fshehur. Sidoqoftë, ekziston një ngjarje e rëndësishme në afatin kohor të Harry Potter që shpjegon kthimet e vazhdueshme të Voldemortit në vend.
Megjithëse Shqipëria përmendet rrallë në serinë e filmave të Harry Potter, romanet i japin më shumë rëndësi vendit ballkanik. Para se Shqipëria të bëhej streha e Voldemort, ishte vendi i zgjedhur nga Helena Ravenclaw për të fshehur diademën e vjedhur të nënës së saj. Helena fsheh diademën në një pyll shqiptar për shkak të largësisë dhe kështu do të ishte shumë e vështirë për t’u vjedhur.
Pavarësisht kësaj, Tom Riddle (Voldemort para se të bëhej Zot i Errësirës), do ta gjente atë shekuj më vonë, për ta bërë Horcrux-in e tij të pestë dhe e riktheu në Hogwarts, (nëse do ta linte në Shqipëri duhet të qëndronte atje.)
Të krijuarit një Horcrux, kërkon nje lidhje sentimentale midis objektit dhe individit e sigurisht një pjesë e Voldemort i përkiste pyjeve shqiptare. Kjo do të përforconte vendimin e tij për t’u fshehur në Shqipëri si pas sulmit në Godric’s Hollow ashtu edhe pas përpjekjes së tij të dështuara për të vjedhur Gurin e Magjistarit. Ai u kthye në Shqipëri pas ngjarjeve të Harry Potter dhe Gurit të Magjistarit, sepse ishte i bindur se një nga ndjekësit e tij, në këtë rast Peter Pettigrew, do ta gjente atje ashtu siç e kishte gjetur Quirrell. Pa u gjetur në Shqipëri, Voldemort nuk do të kishte mësuar për Garën e Trimagjistave dhe nuk do të kishte hartuar planin e Kupës së Zjarrit për të vrarë Harry Potterin që do t’i rikthente përjetësinë. Lord Voldemort kishte një lidhje me pyjet shqiptare dhe pakkush mund ta kuptonte, duke e bërë edhe më të ndjerë përfshirjen e vendit përgjatë veprave të Harry Potter./Screenrant
