Kombëtarja U20 e Italisë është mposhtur me rezultat minimal 1:0 nga Uruguai në finalen e Kupës së Botës të këtyre grupmoshave.
Në finalen e zhvilluar në “Diego Armando Maradona”, në La Plata të Argjentinës, të kaltrit nuk arritën ta thyejnë kombëtaren e Uruguait.
Kjo finale ishte shumë afër që të shkonte në vazhdime, teksa në minutën e 86-të Uruguai shënoi golin e vetëm të sfidës me anë të Luciano Rodriguez, i cili shënoi me kokë.
Kështu, përfaqësuesja latino-amerikane e fiton për herë të parë në histori këtë trofe, teksa më parë kishte luajtur dy finale në vitet 1997 dhe 2013.
Një tjetër zhgënjim në “metrat e fundit” për futbollin italian: pas dështimit për të Romës, Fiorentinës dhe Interit për të marrë një kupë evropiane, erdhi edhe rënia e Italisë U20 në finalen e Botërorit.
