Presidenti turk Recep Tayyip Erdogan do të takohet sërish me homologun rus Vladimir Putin më 5 gusht.
Kjo, për të diskutuar luftën kundër Ukrainës.
Lajmi u bë i ditur nga dy agjencitë shtetërore “RIA Novosti” dhe “Anadolu”.
Erdogan do të vizitojë Sochi-n të premten për një vizitë njëditore.
Mësohet se Erdogan do të shkojë në Sochi për të diskutuar situatën në Ukrainë dhe “marrëveshjen e produktit” me Putin-in.
Lajmi është konfirmuar nga zëdhënësi i Putin-it, Dmitry Peskov.
Erdogan deklaroi të hënën se pas granatimeve të portit në Odesa nga trupat ruse, ai ende pret nga të gjithë pjesëmarrësit e “marrëveshjes së grurit” që të respektojnë detyrimet e tyre.
“Ne shohim se sa delikat është ende procesi në lidhje me sulmin në portin e Odesa-s të shtunën. Ne nuk donim që kjo të ndodhte, por ndodhi”, theksoi kreu i shtetit.
Presidenti turk kujtoi se prioriteti i Ankarasë që nga fillimi i pushtimit të plotë të Rusisë në Ukrainë ishte “një paqe e drejtë dhe e qëndrueshme pas arritjes së një armëpushimi” dhe shprehu shpresën se kjo do të arrihet.
Kujtojmë se pasi Rusia gjuajti raketat Kalibr në portin e Odesa-s mëngjesin e 23 korrikut, Sekretari i Përgjithshëm i OKB-së Antonio Guterres bëri një deklaratë në të cilën ai dënoi pa kushte sulmin.
Ambasadorja e SHBA-ve në Ukrainë, Bridget Brink e konsideroi të papranueshëm sulmin me raketa në portin e Odesa-s.
Bashkimi Evropian dhe një numër shtetesh anëtare dënuan gjithashtu sulmin.
Në vend të kësaj, Kremlin-i sqaroi se sulmi me raketa në portin e Odesa-s kishte për qëllim infrastrukturën ushtarake dhe në asnjë mënyrë nuk ndikon në marrëveshjet në lidhje me eksportin e grurit.
