Pas Mbretërisë së Bashkuar, tani edhe Bashkimi Evropian ka vendosur që ta sanksionojë pronarin rus të klubit të Chelsea-t, Roman Abramovich, duka ia ngrirë asetet.
Diplomatët e lartë të BE-së kanë vendosur jo-formalisht të shtojnë pronarin e bluve të Londrës në listën e miliarderëve rusë të sanksionuar pas pushtimit të Ukrainës nga presidenti i Rusisë, Vladimir Putin.
Sipas asaj që raporton “Reuters” vendimi për sanksionimin e oligarkut rus u mor në një takim të dielën, me të dërguarit e BE-së, të vendosur të mblidheshin të hënën në mëngjes në një përpjekje për të zbatuar sanksione të mëtejshme ekonomike kundër Rusisë.
Sanksionet e reja pritet të hyjnë në fuqi brenda disa orësh ose një ditë pasi ato të jenë miratuar zyrtarisht dhe të publikohen në gazetën zyrtare të BE-së.
Abramovich dhe oligarkë të tjerë rusë do të shtohen në listën e BE-së, me dhjetëra të sanksionuar tashmë.
