Benet Beci është betuar si drejtues i ri i Bashkisë së Shkodrës para këshilltarëve.
Beci u shpall fitues në zgjedhjet lokale të 14 majit, në një fitore që u cilësua historike pasi për herë të parë Partia Socialiste udhëhoqi bindshëm në Shkodër.
Në fjalën e tij, ai premtoi se do të punojë me përkushtim për çdo banor të këtij qyteti.
“Është koha të paraprijë të ardhmen. Të nisim me përmirësimin e cilësisë së jetës. Dera është e hapur për të gjithë”.
Sipas tij, vullneti bashkëpunimi me njëri-tjetrin, me qeverinë dhe donatorët, e veçanërisht besimi i dhënë nga qytetarët është një garanci e fortë për suksesin tonë.
Beci siguroi se kjo është bashkia e shkodranëve, e cilitdo që ka vendosur të jetojë atje dhe dera e hapur për të gjithë.
“Kjo bashki do të jetë bashkia ku ndahen punët dhe jo privilegjet”.
