Trajneri francez, Alain Giresse, tani edhe zyrtarisht ka marrë drejtimin e kombëtares së Kosovës në futboll.
Ashtu siç pritej, tekniku 69 vjeçar mori zyrtarisht detyrën, e cila u konfirmua gjatë ditës së sotme (e mërkurë) në konferencën për media e cila është duke u zhvilluar që nga ora 13:00.
Alain Giresse ka nënshkruar një kontratë që do ta mbajë të lidhur me Kosovën deri në fund të vitit 2023.
Giresse është një trajner i cili karrierën e tij e filloi te skuadra franceze, Toulouse.
Ai më pas drejtoi edhe skuadrën e Paris Saint Germain, i cili gjatë sezonit 1998/99 drejtoi parisienët gjatë 12 ndeshjeve.
Giresse gjithashtu ka përvojë të mirë me kombëtaret, i cili ka drejtuar Gjeorgjinë në Evropë, si dhe kombëtaret afrikane si: Tunizinë, Malin, Gabonin e Senegalin.
Suksesin më të madh, Giresse e arriti me kombëtaren e Malit, i cili arriti të fitojë vendin e tretë në Kupën e Kombeve të Afrikës.
