Pronari i klubit anglez të futbollit, Chelsea F.C., Roman Abramovich, ka deklaruar që skuadra do i kalojë në pronësi fondacionit bamirës të klubit.
Miliarderi rus, i cili është dhe pronari i klubit të futbollit Chelsea që në qershor të vitit 2003, dorëzoi “administrimin dhe kujdesin” e Chelsea-s, fondacionit bamirës të saj. Lëvizja erdhi pas pushtimit rus të Ukrainës.
Gjatë javës, ka pasur thirrje nga deputetë britanik që Abramovich nuk duhet të lejohet të zotërojë Chelsea-n për shkak të lidhjeve të tij të dyshuara me regjimin e presidentit rus, Vladimir Putin.
Në një deklaratë të rrallë nga Abramovich, e cila u publikua në faqen e internetit të klubit, pronari i Chelsea tha se “gjatë 20 viteve si pronar i Chelsea FC, gjithmonë e kam parë rolin tim si kujdestar i klubit, puna e të cilit është të sigurojë që ne jemi aq të suksesshëm sa mundemi, si dhe ndërtojmë një të ardhme më të mirë, duke luajtur gjithashtu një rol pozitiv në komunitetet tona”.
“Kam marrë gjithmonë vendime me interesin më të mirë të Klubit. Unë mbetem i përkushtuar ndaj këtyre vlerave. Kjo është arsyeja pse sot po u jap administratorëve të fondacionit bamirës të Chelsea pronësinë dhe kujdesin e Chelsea FC”, ka deklaruar ai.
Besimtarët e Fondacionit të Chelsea FC përfshijnë John Devine, Paul Ramos, Piara Powar, Emma Hayes, Sir Hugh Robertson dhe Bruce Buck.
