Është përcaktuar raundi i të 16-ave, tashmë në kompeticionin më të ri, dhe të tretin më të rëndësishëm në Evropë – Conference League.
Conference League, e cila po zhvillon sezonin e saj të parë pas inaugurimit, finalen e parë do ta zhvillojë në kryeqytetin e Shqipërisë, në stadiumin “Air Albania” të Tiranës. I ftuar si komisioner i këtij shorti ishte dhe ish-kapiteni legjendar i kombëtares kuqezi, Altin Lala.
Në këtë kompeticion, mund të shihen skuadra nga liga më të vogla – por edhe skuadra të rangut më të ulët në ligat më të mëdha Evropiane.
Sezoni i parë deri tani ka jetuar krah pritshmërive, duke sjellë befasi dhe shumë ndeshje interesante.
Në shortin e hedhur sot, janë caktuar këto tetë ndeshje që zhvillohen në kuadër të raundit të 16-ave:
Marseille – Basel
Leicester City – Rennes
Paok – Gent
Vitesse – Roma
PSV – Copenhagen
Slavia Prague – LASK Linz
Bodo/Glimt – AZ Alkmaar
Partizan – Feyenoord
