Tashmë janë përcaktuar 16 skuadrat e kualifikuara nga faza e grupeve të UEFA Champions League.
Napoli, Liverpool, Porto, Club Brugge, Bayern Munich, Inter, Tottenham, Eintracht Frankfurt, Chelsea, Milan, Real Madrid, Leipzig, Manchester City, Borussia Dortmund, Benfica dhe PSG janë skuadrat e mbetura në garë që luftojnë për trofeun më të rëndësishëm për klube në Evropë.
Data e shortit
Organi qeverisës i futbollit në Evropë, UEFA, ka përcaktuar të hënën e 7 nëntorit si datën ku do të hidhet shorti i Champions League për raundin e të 16-ve. Ai do të mbahet në Shtëpinë e Futbollit Evropian në Nyon (Zvicër), duke filluar nga ora 12:00.
Do të ketë dy vazo në këtë rast. E para me skuadrat që kanë dal kokë grupi dhe tjetra me vendet e dyta.
Siç dihet tashmë, në këtë fazë të kompeticionit nuk mund të përballen skuadra që janë ndeshur gjatë fazës së grupeve të këtij sezoni, si dhe ato që vijnë nga i njëti vend.
Gjithashtu UEFA ka përcaktuar dhe datat se kur do të zhvillohen ndeshjet e raundit të 16-ve, çerekfinalet, gjysmëfinalet dhe finalja e madhe.
Raundi i të 16-ve do të luhet në datat 14-15 dhe 21-22 shkurt 2023. Ndeshjet e kthimit zhvillohen më 7-8 dhe 14-15 mars.
Çerekfinalet do të luhen më datat 11-12 dhe 18-19 prill. Me 9-10 dhe 16-17 maj do të zhvillohen ndeshjet gjysmëfinale. Ndërsa, finalja do të mbahet më 10 qershor.
Finalja e Champions League 2022-23 do të luhet në stadiumin olimpik “Ataturk” në Stamboll. Një rikthim historik ne finale e vitit 2005 mes Liverpool dhe Milan.
Përballjet e mundshme
Në vazon e parë janë skuadra si: Napoli, Porto, Bayern, Tottenham, Chelsea, Real Madrid, City dhe Benfica. Vazo e dytë përbëhet nga: Liverpool, Brugge, Inter, Eintracht, Dortmund, Milan, Leizpig dhe PSG.
Napoli do të mund të përballet me çdo skuadër tjetër të vazos së dytë përveç Liverpool-it që e kishte në grup dhe dy skuadrave italiane Inter dhe Milan. Porto deri më tani shmang vetëm përballjen me Brugge-n që e kishte në grup.
Bayern është skuadra që ka një numër më të kufizuar kundërshtarësh. Bavarezët nuk mund të përballen me Inter-in që e kishin në grup, si dhe me skuadrat e tjera gjermane: Eintracht, Dortmund dhe Leipzig.
Tottenham shmang përballjen me Eintracht-in që e kishte në grup dhe Liverpool-in. Chelsea gjithashtu shmang skuadrën e Jurgen Klopp, si dhe Milan-in që kishte në fazën e grupeve.
Real Madrid shmang vetëm një skuadër, Leipzig-un, që e kishte në grup. Kampionët në fuqi të Champions League janë skuadra e vetme spanjolle në garë, pas eliminimit të Barcelona-s, Atletico Madrid-it dhe Sevillas-.
City shmang dy skuadra. Dortmund-in që kishte në grup dhe anglezët e Liverpool-it. Ndërsa, Benfica mund të përballet me çdo skuadër të vazos së dytë përveç PSG-së që e kishte në të njejtin grup.
Si mund të jenë përballjet:
Napoli – Brugge/ Eintracht/ Dortmund/ Leipzig/ PSG,
Porto – Liverpool/ Inter/ Eintracht/ Dortmund/ Milan/ Leizpig/ PSG,
Bayern – Liverpool/ Brugge/ Milan/ PSG,
Tottenham – Brugge/ Inter/ Dortmund/ Milan/ Leipzig/ PSG,
Chelsea – Brugge/ Inter/ Eintracht/ Dortmund/ Leipzig/ PSG,
Real Madrid – Livepool/ Brugge/ Inter/ Milan/ Eintracht/ Dortmund/ PSG,
Manchester City – Brugge/ Inter/ Eintracht/ Dortmund/ Milan/ Leipzig/ PSG,
Benfica – Liverpool/ Brugge/ Inter/ Eintracht/ Milan/ Dortmund/ Leipzig.
