Presidenti amerikan, Joe Biden, deklaroi se SHBA-të dhe BE-ja po diskutojnë mundësinë e blerjes së naftës ruse me një çmim nën koston e tregut.
Ky opsion është duke u shqyrtuar në vend të refuzimit të importeve pas një rritjeje të mprehtë të çmimeve të karburantit.
Lajmi u bë i ditur nga multimediali amerikan CNN.
“Evropa ka vendosur të reduktojë më tej blerjet e naftës ruse. Ka shumë konsiderata që mund të merren, ndoshta edhe të vazhdojë të blejë naftë, por me një çmim të kufizuar”, zbuloi Biden.
Shefi i Shtëpisë së Bardhë vuri në dukje se Rusia ishte në një situatë ku ishte e detyruar të shesë naftë përballë presionit të sanksioneve.
Kështu që nafta ruse mund të blihet me një çmim shumë më të ulët.
“Shumë gjëra po ndodhin kohët e fundit, por ideja është që ne mund të kthejmë çelësin për të ulur koston e benzinës, e cila nuk ka gjasa në një afat të shkurtër”, shpjegoi Biden.
