Junko Furuta ishte një vajzë japoneze 16-vjeçare, e cila iu nënshtrua për 44 ditë përdhunimit dhe torturës, përpara se të vdiste në duart e rrëmbyesve të saj më 22 nëntor 1989.
E njohur në të gjithë Japoninë si një “vajza e mbështjellë me beton”, rasti i Junko Furuta tërhoqi vëmendjen mbarëkombëtare për shkak të brutalitetit që ajo duhej të duronte para se ta gjente vdekja.
Historia e Junko Furuta
Junko Furuta ndiqte një shkollë të mesme në Misato, në prefekturën Saitama, Japoni. Ajo ishte një adoleshente e bukur, aktive dhe që gëzonte vëmendje. Junko nuk pinte duhan, nuk pinte alkool dhe nuk merrte drogë, gjë që shihej si e pakëndshme në sytë e shumë adoleshentëve “gangsterë”. Njëri prej tyre – Hiroshi Miyano, ishte i dashuruar pas saj, por nuk kërkonte një lidhje. Junko Furuta e refuzoi atë. Hiroshi Miyano ishte bullizuesi i shkollës dhe askush nuk guxonte ta kundërshtonte, por Furuta tha “jo”.
Më 25 nëntor 1988, ajo u rrëmbye nga katër djem adoleshentë, njëri prej tyre ishte Hiroshi Miyano. Djemtë e çuan Junko Furutën në shtëpinë në pronësi të prindërve të njërit prej rrëmbyesve në lagjen Ayase të Adachi, Tokio.
Rrëmbyesit e detyruan Junko Furutën të telefononte prindërit e saj dhe t’u thoshte se ajo do të ikte dhe do të qëndronte me një mik. E paaftë për të kuptuar se çfarë po vinte dhe shumë e frikësuar, Junko bëri pikërisht ashtu siç i thanë, duke parandaluar kështu përpjekjet e para për ta gjetur.
Prindërit e Nobuharu Minato, në shtëpinë e të cilit mbahej Junko Furuta, vizituan djalin e tyre në disa raste. Megjithatë, nën kërcënimin e rritjes së dhunës ndaj saj, Junkos iu kërkua të pretendonte se ishte e dashura e njërit prej djemve. Megjithatë, edhe kur u bë e qartë se ajo ishte e marrë peng në shtëpi, prindërit nuk bënë asgjë nga frika e hakmarrjes nga Hiroshi Miyano.
Gjatë 44 ditëve pas rrëmbimit të saj, Junko Furuta u detyrua të përballojë vuajtje të patregueshme:
- U poshtërua duke u mbajtur lakuriq shumicën e kohës
- Përdhunohej çdo ditë. Besohet se e kanë përdhunuar më shumë se 100 burra, duke numëruar 500 përdhunime. Në një moment, ajo është abuzuar nga 12 burra të ndryshëm brenda një dite.
- Rrahjet fizike përfshinin goditje me shkopinj golfi dhe përplasje të fytyrës në dyshemenë e çimentos.
- Shpesh, për të ndezur përdhunuesit e saj, ajo detyrohej të masturbohej para tyre dhe “të ftuarve”.
- 16-vjeçarja kishte objekte të ndryshme të futura me forcë në vaginë dhe anus, duke përfshirë një shishe, një shufër hekuri, gërshërë etj.
- Kishte pak ushqime, që përfshinin më shumë ujë dhe qumësht.
- Rrëmbyesit i kishin hequr thithkën e majtë me pincë.
- U mbajt në frigorifer për disa orë.
- Kishte shenja djegieje edhe në zonat intime.
Dhe këto, janë vetëm disa prej torturave të saj.
Në një moment, kur sulmuesit po pushonin pasi kishin pirë, ajo u përpoq të thërriste policinë, por u kap dhe u ndëshkua duke i djegur këmbët. Djegiet e rënda të këmbës dhe muskujt e mavijosur keq e lanë atë të paaftë për të ecur për ditë të tëra. Duke qenë se ishte dimër, ajo u detyrua të flinte edhe në një ballkon, e ekspozuar ndaj temperaturave të ftohta.
Pas 30 ditësh, Junko Furuta nuk mundi të urinonte siç duhet për shkak të dëmtimit të organeve të brendshme dhe vulvës nga futja e objekteve të huaja dhe djegieve nga cigaret dhe çakmakët. Duart dhe këmbët e saj u dëmtuan rëndë dhe asaj iu desh më shumë se një orë që të zvarritej në katin e poshtëm në banjë. Edhe daullet e veshit i ishin dëmtuar dhe truri i saj ishte zvogëluar.
Vdekja e Junko Furutës
Gjatë 44 ditëve, kur ajo ishte torturuar, rrahur dhe përdhunuar në mënyrë të përsëritur, Junko Furuta iu lut rrëmbyesve të saj disa herë që thjesht ta vrisnin dhe të mbaronin. Në vend të kësaj, më 4 janar 1989, ata e sfiduan atë në një lojë me diamant Mahjong. Ajo fitoi dhe kjo i zemëroi djemtë, kështu që ata e rrahën me shtangë hekuri dhe i dogjën pjesë të trupit. Duke qenë tashmë e rrahur rëndë, e dehidratuar dhe e kequshqyer, Junko Furuta vdiq të nesërmen.
Vrasësit e futën trupin e vajzës së vdekur në një kazan të mbushur me beton dhe e hodhën në Koto, Tokio.
Kush e vrau Junko Furuta-n?
Gjykata japoneze fshehu emrat e katër djemve kryesorë që rrëmbyen, torturuan, përdhunuan dhe vranë Junko Furuta sepse ishin të mitur. Megjithatë, gazetarët e revistës Shukan Bunshun i gërmuan dhe i publikuan duke deklaruar se pas asaj që i bënë Junko Furutës, ata nuk meritojnë askënd që të mbrojë të drejtat e tyre njerëzore:
- Hiroshi Miyano – 18-vjeçar në momentin e krimit. Ndryshoi emrin e tij në Hiroshi Yokoyama.
- Jo Ogura – 18 vjeç në kohën e krimit. Ndryshoi emrin e tij në Jo Kamisaku.
- Shinji Minato – 16-vjeçar në kohën e krimit, disa burime i referohen atij si Nobuharu Minato)
- Yasushi ëatanabe – 17-vjeçar në kohën e krimit.
Të katër autorët u kapën dhe u gjykuan. Megjithatë, për shkak se të gjithë ishin të mitur në kohën e kryerjes së krimit, ata u gjykuan si të mitur. Përfundimisht, ata u përballën me dënime të të rriturve, me përjashtim të faktit që gjykata ua fshehu identitetin. Megjithatë, duke pasur parasysh ashpërsinë e krimeve të tyre, dënimet që iu dhanë ishin relativisht të ulëta. Tre nga djemtë vuajtën më pak se tetë vjet.
Tortura dhe vrasja e Junko Furuta shkaktoi zemërim ndërkombëtar dhe rasti i saj frymëzoi disa filma dhe një manga të ilustruar nga Kamata Youji. Filmi më i shquar është Joshikôsei konkuriito-dume satsujin-jiken i njohur si “Concrete-Encased High School Girl Murder Case”, i publikuar në vitin 1995. fajtori kryesor.
Një film japonez i vitit 2004, “Concrete”, bazohet gjithashtu në ngjarjet që çuan në vrasjen e Junko Furuta. Të paktën tre libra u shkruan nga autorë japonezë të cilët u frymëzuan nga rasti. Shumë njerëz mendojnë se historia pas torturës dhe vrasjes së Junko Furutës është një mashtrim, por e vërteta është se ky krim i tmerrshëm ndodhi.
Burimi: Japan Insides
